O‘zbekiston Milliy antidoping agentligi tomonidan mamlakatdagi barcha federatsiya (assotsiatsiyalar) va klublarga antidoping seminarlari o‘tkazib kelinmoqda. Jumladan, futbol bo‘yicha poytaxt jamoasi Paxtakor FK jamoasi aʼzolariga seminar tashkil etildi. Seminarda jamoa aʼzolari, murabbiylar va jamoa shifokorlari ishtirok etdi.

Seminar o‘zbek va ingliz tillarida o‘tkazildi hamda antidoping qoidabuzarlik turlari, talim-uznada.uz platformasi va ADEL platformalaridan foydalanish bo‘yicha ko‘rsatmalar berildi.

Eslatib o‘tamiz, xalqaro musobaqalarda ishtirok etadigan jamoalar hamda yakka kurash sport turlarida ishtirok etadigan sportchilar WADAning ADEL platformasidagi o‘quv kursni yakunlab, sertifikat olgandan so‘ng ishtirok etishga ruxsat beriladi. Milliy chempionatlarda qatnashadigan jamoalar va sportchilar Agentlik tomonidan ishga tushirilgan talim-uznada.uz platformasidan sertifikat olgandan so‘ng musobaqalarda ishtirok etishga ruxsat beriladi.

Seminarlardan ko‘zlangan maqsad sportchilarimiz mamlakat chempionatlari va xalqaro maydonlarda halol g‘alabalarni qo‘lga kiritishi uchun olib borilayotgan ishlarning bir qismidir.